ലോകത്തെ ഏറ്റവും കനംകുറഞ്ഞ് സ്മാര്‍ട്ട്ഫോണ്‍ Gionee S 5.5

ലോകത്തെ ഏറ്റവും കനംകുറഞ്ഞ് സ്മാര്‍ട്ട്ഫോണ്‍ പുറത്തിറക്കി; വില 22,999രൂപലോകത്തെ ഏറ്റവും കനംകുറഞ്ഞ് സ്മാര്‍ട്ട്ഫോണ്‍ ഗോവയില്‍ പുറത്തിറക്കി. ജിയോനി എന്ന കമ്പനിയാണ് ജിയോനി എലിഫെ എസ് 5.5 എന്ന പേരില്‍ കനംകുറ‍‌ഞ്ഞ സ്മാര്‍ട്ട്ഫോണ്‍ പുറത്തിറക്കിയത്. 22,999 രൂപയാണ് ഈ ഫോണിന്റെ വില. ഫെബ്രുവരിയില്‍ ബാഴ്സലോണയില്‍ നടന്ന ലോക മൊബൈല്‍ കോണ്‍ഗ്രസില്‍ അവതരിപ്പിച്ച ഫോണാണ് ഇപ്പോള്‍ പുറത്തിറക്കിയത്. 5.5 എംഎം കനം മാത്രമുള്ള ജിയോനി എലിഫെ എസ് 5.5 സ്മാര്‍ട്ട്ഫോണിന് 130 ഗ്രാം ഭാരമാണുള്ളത്. 5.75 എംഎം കനമുള്ള വിവോ എക്സ്3 എന്ന ഫോണായിരുന്നു ഇതുവരെ ലോകത്തെ ഏറ്റവും കനംകുറ‍ഞ്ഞ സ്മാര്‍ട്ട്ഫോണ്‍.

കോര്‍ണിംഗ് ഗൊറില്ല ഗ്ലാസോട് കൂടിയ അഞ്ച് ഇഞ്ച് ഫുള്‍ എച്ച് ഡി അമോള്‍ഡ് ഡിസ്പ്ലേയാണ് ഈ ഫോണിന്റെ മുഖ്യ സവിശേഷത. 1.7 ജിഗാഹെര്‍ട്സ് മീഡിയടെക്ക് എംപി 6592 ഒക്ടാ കോര്‍ പ്രോസസര്‍, രണ്ട് ജിബി റാം, 16 ജിബി ഇന്റേണല്‍ സ്റ്റോറേജ് എന്നിവയും ജിയോനി എലിഫെ എസ് 5.5ന്റെ പ്രത്യേകതകളാണ്. ആന്‍ഡ്രോയ്ഡ് 4.2 ജെല്ലിബീന്‍ ഓപ്പറേറ്റിംഗ് സിസ്റ്റത്തിലാണ് ഇത് റണ്‍ ചെയ്യുന്നത്.

എല്‍ഇഡി ഫ്ലാഷോട് കൂടിയ 13 എംപി ക്യാമറയും വീഡിയോ ചാറ്റിംഗിനും മറ്റുമായി അഞ്ച് എംപി ഫ്രണ്ട് ക്യാമറയും ഈ ഫോണിനുണ്ട്. കണക്ടിവിറ്റി ഓപ്ഷനുകളായി ത്രീജി, വൈഫൈ, ബ്ലൂടൂത്ത് 4.0, ജിപിഎസ് എന്നിവയുമുണ്ട്.

കറുപ്പ്, വെള്ള, പിങ്ക്, നീല, പര്‍പ്പിള്‍ നിറങ്ങളില്‍ ജിയോനി എലിഫെ എസ് 5.5 സ്മാര്‍ട്ട്ഫോണ്‍ ലഭ്യമാണ്.

2013ല്‍ ആഗോള വിപണിയില്‍ 24 മില്യണ്‍ ഫോണുകള്‍ വിറ്റഴിച്ച ജിയോനി ഇന്ത്യയില്‍ ഒരു മില്യണ്‍ ഫോണാണ് വിറ്റത്.

photo courtesy phonearena