ഇന്ത്യയെ പോളിയോ വിമുക്തരാജ്യമായി ലോകാരോഗ്യസംഘടന ഒദ്യോഗികമായി പ്രഖ്യാപിച്ചു. ആരോഗ്യമന്ത്രി ഗുലാം നബി ആസാദ് ലോകാരോഗ്യസംഘടനാ പ്രതിനിധികളില്‍ നിന്ന് അംഗീകാരപത്രം ഏറ്റുവാങ്ങി. ഇതോടെ ഐക്യരാഷ്ട്രസഭയുടെ നാലാമത്തെ പോളിയോ വിമുക്തമായ മേഖലയായി ഇന്ത്യയുള്‍പ്പെടുന്ന തെക്ക് കിഴക്കന്‍ ഏഷ്യന്‍ മേഖല മാറി. കഴിഞ്ഞ മൂന്നുവര്‍ഷമായി പോളിയോയുമായി ബന്ധപ്പെട്ട ഒരു കേസു പോലും ഇന്ത്യയില്‍ റിപ്പോര്‍ട്ട് ചെയ്തിട്ടില്ലെന്ന് ലോകാരോഗ്യ സംഘടന നിരീക്ഷിച്ചു. ഇന്ത്യയെ കൂടാതെ ബംഗ്ലാദേശ്, ഭൂട്ടാന്‍, ഉത്തരകൊറിയ, തായ്ലാന്‍ഡ്, ഇന്തോനേഷ്യ, മാലിദ്വീപ്, മ്യാന്‍മര്‍, എന്നിവയാണ് പോളിയോ വിമുക്തമായി പ്രഖ്യാപിക്കപ്പെട്ട രാജ്യങ്ങള്‍. -
പോസ്റ്റുകള്
അഭിപ്രായങ്ങളൊന്നുമില്ല: